MOST READ
SUCH NEWS
کراچی آرٹس کونسل میں جاری پاکستان تھیٹر فیسٹیول کا آج 16 واں روز ہے۔ایک ورکشاپ ہو گی اور ایک ڈرامہ پیش کیا جائے گا۔ تھیٹر فیسٹیول کے 16 ویں روز آج ایک ورکشاپ ہو گی اور ایک ڈرامہ پیش کیا جائے گا۔اداکار ریحان شیخ شام ساڑھے 5 بجے تھیٹر ورکشاپ پیش کریں گے جبکہ شام ساڑھے 7 بجے تھیٹر پلے ’سے نو‘ کے عنوان سے پیش کیا جائے گا۔ کراچی آرٹس کونسل میں 8 ستمبر سے شروع ہونے والا یہ پاکستان تھیٹر فیسٹیول 8 اکتوبر تک جاری رہے گا۔
Tue, 26-09-2023
SUCH NEWS
نگرا ں وزیر اعظم انوار الحق کاکڑ کا کہنا ہے کہ یقین دلاتا ہوں انتخابی عمل مکمل صاف، شفاف اور آزادانہ ہوگا جب کہ انتخابی عمل میں انتظامی سطح پرکسی خاص گروپ کی حمایت یا مخالفت نہیں کی جائےگی۔ غیر ملکی میڈیا کو دئیے گئے انٹرویو میں نگراں وزیرِ اعظم انوار الحق کاکڑ نے کہا ہے کہ یقین دلاتا ہوں کہ انتخابی عمل مکمل صاف، شفاف اور آزادانہ ہو گا، انتظامی سطح پر کسی خاص گروپ کی حمایت یا مخالفت نہیں کی جائے گی۔ ان کا کہنا ہے کہ انتخابی حلقہ بندیاں آئینی ضرورت ہیں، انتخابی حلقہ بندیوں پر اعتراض سابق پارلیمنٹ میں قانون سازی کے وقت کیا جا سکتا تھا، ہم نے قانون اور آئین کے مطابق عمل کرنا ہے، الیکشن کمیشن بھی غیر آئینی کام نہیں کر سکتا۔ انوار الحق کاکڑ نے کہا ہے کہ جمہوریت میں پُرامن احتجاج ہر ایک کا بنیادی حق ہوتا ہے تاہم تشدد آمیز مظاہروں کی کسی صورت اجازت نہیں دی جا سکتی۔ نگراں وزیرِ اعظم نے کہا ہے کہ پہلی بار کسی بھی وزیرِ اعظم کو آئینی طریقے سے اقتدار سے الگ کیا گیا، آئین میں حکومت کی تشکیل اور ہٹائے جانے کا طریقہ درج ہے۔ انہوں نے کہا کہ یقینی بنائیں گے کہ کوئی بھی بیرونی طاقت پاکستان کے اندرونی معاملات میں مداخلت نہ کرے، پاکستان آزاد اور خود مختار ملک ہے، ہم اپنے قومی مفاد میں فیصلے کرتے ہیں۔ نگراں وزیرِ اعظم انوار الحق کاکڑ نے کہا ہے کہ فوج کے کردار کو حکومت کے تحت دیکھتا ہوں، بدقسمتی سے تین چار دہائیوں سے ہمارے سویلین اداروں کی کارکردگی اچھی نہیں رہی، فوج ایک منظم ادارہ ہے، جس سے مجبوراً مختلف امور میں مدد لینا پڑتی ہے۔ انہوں نے کہا کہ ہمیں اپنے سویلین اداروں کی استعداد کار بڑھانے کی ضرورت ہے، ہم جلد انتخابی عمل میں داخل ہونے جا رہے ہیں۔
Tue, 26-09-2023
SUCH NEWS
امریکی دارلحکومت واشنگٹن میں کیوبا کے سفارت خانے پر نامعلوم افراد کی جانب سے پیٹرول بم سے حملہ کیا گیا، واقعہ میں کوئی زخمی نہیں ہوا۔ امریکی میڈیا کے مطابق واشنگٹن میں ایڈمز مورگن سیکشن میں قائم کیوبا کے سفارت خانے پر نامعلوم افراد نے دو عدد پیٹرول بم سے حملہ کیا۔ کیوبا کے وزیر خارجہ نے اس واقعے کو دہشت گردانہ حملہ قرار دیا۔ رپورٹ کے مطابق اطلاع ملتے ہی امریکی خفیہ ادارے کے افسران سفارت خانے پہنچ گئے تھے اور حملے کی تفتیش شروع کر دی ہے۔ کیوبا کے وزیر خارجہ برونو روڈریگیز پریلا نے سماجی رابطے کی ویب سائٹ ایکس پر لکھا کہ یہ ایک دہشت گردانہ حملہ ہے، انہوں نے لکھا کہ حملے میں سفارت خانے کا عملہ محفوظ ہے۔ واضح رہے کہ اپریل 2020 کے بعد سے واشنگٹن میں کیوبا کے سفارتی مشن پر یہ دوسرا پرتشدد حملہ ہے۔ اس سے قبل ایک شخص نے اسالٹ رائفل کا استعمال کرتے ہوئے سفارت خانے پر کئی گولیاں چلائیں تھی۔
Tue, 26-09-2023
SUCH NEWS
اداکار سعود قاسمی کا کہنا ہے کہ ان کے پاس بالی ووڈ سے اب بھی کام کی متعدد آفرز آتی رہتی ہیں، لیکن پاکستان میں فلم کرنے کی کوئی آفر نہیں کرتا۔ نجی ٹی وی کے پروگرام میں گفتگو کرتے ہوئے اداکار سعود قاسمی نے کہا کہ دیگر تمام اداکاروں کی طرح میرا بھی فلموں میں کام کرنے کا ارادہ ہے۔ زیادہ سے زیادہ یہی ہوگا کہ فلم ہٹ نہیں ہوگی۔ اداکار نے مزید کہا کہ بالی ووڈ کی 2،3 فلموں میں کام کرنے کی آفرز آچکی ہیں۔ ایک فلم کے سیٹ پر اداکار علی خان کے ساتھ بیٹھا ہوا تھا انہیں بھی اس فلم میں کام کی پیشکش ہوئی ہے جو مجھے بھی آفر کی گئی۔ یہ ایک بڑے بھارتی ڈائرکٹر کی فلم ہے۔ سعود نے کہا کہ مجھے بھارت سے تو متعدد آفرز ملتی ہیں لیکن پاکستان میں فلم کرنے کی کوئی آفر نہیں کرتا۔ اداکار سعود نے حال ہی میں ہٹ ٹی وی ڈرامہ ’ بے بی باجی‘ میں اپنی اہلیہ اور اداکارہ جویریہ سعود کے ساتھ کام کیا تھا۔ ڈرامے میں سعود کے کردار کو لوگوں نے بہت پسند کیا تھا۔
Tue, 26-09-2023
SUCH NEWS
کالی مرچ ہر گھر کے باورچی خانے میں موجود ہوتی ہے جو صرف کھانوں کو ذائقہ ہی نہیں دیتی بلکہ کئی بیماریوں کا علاج بھی اس میں چھپا ہے۔ چھوٹی چھوٹی گیندوں کی طرح گول سیاہ دانے جس کو سب کالی مرچ کے نام سے جانتے ہیں۔ تقریباً ہر کھانے میں استعمال کی جاتی ہے جو ذائقے کو دوبالا کر دیتی ہے لیکن اس کے ساتھ ہی ان چھوٹے چھوٹے دانوں میں کئی بیماریوں کا علاج بھی پوشیدہ ہے جو صدیوں سے آزمودہ ہے۔ کالی مرچ اینٹی آکسیڈینٹ سے بھرپور مصالحہ ہے جب کہ اس میں جسم کی اندرونی سوزش دور کرنے والی خاصیت بھی موجود ہے۔ اس کا روز استعمال انسانی جسم کو کئی دائمی بیماریوں سے بچانے میں اہم کردار ادا کرتا ہے۔ کھانسی اور بلغم کے امراض کا تقریباً ہر شخص کبھی نہ کبھی شکار ہوتا ہے خاص طور پر موسم کی تبدیلی کے ساتھ یہ امراض پھیلتے ہیں تو اس کا شافی علاج بھی کالی مرچ میں پوشیدہ ہے۔ اگر آپ کو کھانسی اور بلغم کا ایک ساتھ سامنا ہے تو کالی مرچ اور شہد کا استعمال نہایت مفید ثابت ہو سکتا ہے۔ اس کے لیے ایک چمچ شہد کو نیم گرم کر کے اس کے اوپر چٹکی بھر پسی ہوئی کالی مرچ چھڑکیں اور کھا لیں۔ کالی مرچ بلغم کا اخراج کرے گی تو شہد کے مفید طبی اثرات سے کھانسی کی شدت کم ہوگی۔ اس کے علاوہ شہد اور کالی مرچ کو نیم گرم پانی میں شامل کر کے بھی یہی فائدہ حاصل کیا جا سکتا ہے۔ کھانسی سے نجات حاصل کرنے کا ایک گھریلو ٹوٹکا یہ بھی ہے کہ لیموں کی ٹکڑے پر کالی مرچ چھڑک کر اسے تھوڑا تھوڑا کرکے چوسیں، جس سے کھانسی کی شدت میں کمی آئے گی۔
Tue, 26-09-2023
SUCH NEWS
نیب ترامیم کالعدم ہونے کے بعد سابق وزیرِ خزانہ اور پاکستان مسلم لیگ ن کے رہنما اسحاق ڈار کے خلاف آمدن سے زائد اثاثہ جات کا ریفرنس کھل گیا۔ اسلام آباد کی احتساب عدالت نے اسحاق ڈار کو 10 اکتوبر کو طلب کر لیا۔ احتساب عدالت نے سابق وزیر خزانہ اسحاق ڈار کو 10 اکتوبر طلب کرلیا۔ اسحاق ڈار کی 10 اکتوبر کو طلبی کے سمن جاری کر دیے گئے۔ سپریم کورٹ کے نیب ترامیم کیس کے فیصلے کے بعد احتساب عدالت میں ریفرنسز پر کارروائی کا آغاز ہو گیا ہے۔ اس سے قبل نیب ترمیمی ایکٹ کے تحت عدالت نے اسحاق ڈار کے خلاف کیس واپس نیب کو بھیج دیا تھا۔
Tue, 26-09-2023
SUCH NEWS
محققین کو جنوبی اسپین کے ایک غارسے اس بات کے شواہد ملے ہیں کہ وہاں دفن قدیم انسانوں کے کنکال کی باقیات کو کھود کر ان میں ترمیم کی گئی اور یہاں تک کہ بعد کی نسلوں نے اسے اوزار کے طور پر بھی استعمال کیا۔ سوئٹزرلینڈ کی یونیورسٹی آف برن کے محققین کی سربراہی میں ٹیم نے جنوبی اسپین کے شہر گراناڈا کے قریب ایک غار میں پائی جانے والی باقیات کا جائزہ لیا۔ انہوں نے پایا کہ یہ باقیات کم از کم 12 مختلف لوگوں کی ہیں جنہیں 5,000 قبل مسیح سے 2,000 قبل مسیح کے درمیان دفنایا گیا تھا اور یہ کہ ہڈیوں میں جان بوجھ کر تبدیلیاں کی گئی تھیں۔ ہڈیوں میں فریکچر اور خراشیں موجود تھیں جو گودا نکالنے کی کوششوں کے نتیجے میں ہوئی تھیں۔ محققین کو انسانی پیروں کی ایک ہڈی بھی ملی جسے ایک آلے کے طور پر استعمال کیا گیا تھا۔ یونیورسٹی آف برن میں فزیکل اینتھروپالوجی کے ریسرچ فیلو اور مطالعے کے مصنف مارکو ملیلا نے کہا کہ ہڈی کو پہلے توڑا گیا تھا اور نتیجے میں آنے والے ٹکڑے کا ایک سرا کچھ مواد کو کھرچنے کے لیے استعمال کیا گیا تھا۔
Tue, 26-09-2023
SUCH NEWS
مریضوں کے متعلق کہانیاں شیئر کرنے والے ڈاکٹر برنارڈ نے 36 سالہ جے ایس نامی گیمر کے موت سے بال بال بچ جانے کے متعلق واقعے سے آگاہ کیا۔جس نے10منٹ میں 12 انرجی ڈرنکس پی کر اپنی زندگی کو خطرے میں ڈال دیا۔ ڈاکٹر برنارڈکاکہناتھا کہ جے ایس جب 80 کی دہائی میں بڑا ہو رہا تھا تب اس کو ویڈیو گیم کھیلنا پسند تھا، اس کے والدین کو بھی اس کا گیم کھیلنا پسند تھا لیکن اس کا کوئی دوست نہیں تھا۔لہٰذا اپنے دفتر میں لوگوں سے جڑنے کے لیے اس نے سوچا کہ 10 منٹ میں 12 انرجی ڈرنکس پینا تفریح کا سبب ہوسکتا ہے۔ لیکن ڈرنکس ختم ہونے کے ساتھ ہی اسٹنٹ فوراً ہی بدتر صورت اختیار کر نے لگ گیا۔ ڈاکٹر نے بتایا کہ جے ایس کے سینے کے نچلے حصے میں جلن ہو رہی تھی لیکن اس کو یہ معلوم نہیں تھا تکلیف معدے میں ہو رہی ہے یا دل میں۔اس کی سانس بھی پھول رہی تھی لیکن اس نے اپنا دھیان بٹانے کے لیے ویڈیو گیم کھیلنے کا فیصلہ کیا۔ وقت گزرنے کے ساتھ اس کو اپنے دل کی دھڑکن بے ترتیب ہوتی ہوئی محسوس ہوئی لیکن اس کو ایسا ہونے کی وجہ سمجھ نہیں آرہی تھی کیوں کہ کیفین کا اس پر زیادہ اثر نہیں ہوتا تھا۔ انہوں نے بتایا کہ جے ایس باقاعدگی کے ساتھ فی روز مجوزہ 400 ملی گرام کیفین کی مقدار سے زیادہ مقدار میں کیفین کا استعمال کرتا تھا، یہ مقدار بعض اوقات 900 ملی گرام تک پہنچ جاتی تھی۔کیفیت بدتر ہونے کے ساتھ جے ایس نے کچن میں قے کی جس کے بعد اس کی طبیعت مزید خراب ہوئی اور ایک دن بعد مدد کے لیے ایمبولینس کو بلایا۔ اسپتال پہنچ کر جے ایس کے ہائپر گلیسیمیا میں مبتلا ہونے کے متعلق معلوم ہوا۔ اس کیفیت میں خون میں شوگر کی مقدار انتہائی بلند ہوجاتی ہے۔ڈاکٹروں کی جانب سے مزید ٹیسٹ کرنے پر جے ایس میں پینکریاٹائٹس کی بھی تشخیص ہوئی۔ اس خطرناک کیفیت میں پتے پر تھورے عرصے کے لیے سوزش چڑھ جاتی ہے۔ انرجی ڈرنکس کی وجہ سے خون میں شوگر کی زیادتی کے سبب جے ایس کے پتے نے خود کو ختم کرنا شروع کر دیا تھا اور اس کے جگر اور گردوں نے کام کرنا بند کر دیا تھا جس کی وجہ سے اس کے خون میں انفیکشن ہوگیا۔
Tue, 26-09-2023
SUCH NEWS
کین ولیمسن کا کہنا ہے کہ انجری کے بعد آپ ایکشن میں واپس آنا چاہتے ہیں جس کے لیے فٹنس درکار ہوتی ہے، کرکٹ میں واپسی میرے لیے بہت اچھی خبر ہے۔ نیوزی لینڈ کرکٹ ٹیم کے کپتان کین ولیمسن نے کہا ہے کہ میں اپنے ٹارگٹ سے ہٹنا نہیں چاہتا، میرا ٹارگٹ ورلڈ کپ کھیلنا ہے، میں نہیں چاہتا کہ کچھ ایسا ہو کہ میں ایک قدم پیچھے چلا جاؤں۔ کین ولیمسن کا کہنا ہے کہ انجری کے بعد آپ ایکشن میں واپس آنا چاہتے ہیں جس کے لیے فٹنس درکار ہوتی ہے، کرکٹ میں واپسی میرے لیے بہت اچھی خبر ہے۔ان کا کہنا ہے کہ آپ ورلڈ کپ کا حصہ بننے کے لیے پُر امید رہتے ہیں، میری ساری توجہ اس وقت روزانہ کے ری ہیب پروگرام پر ہے، نیٹس پر بیٹنگ کر رہا ہوں تاہم رننگ میں سو فیصد نہیں ہوں لیکن پہلے سے بہتر ہو رہا ہوں۔ واضح رہے کہ ورلڈ کپ اسکواڈ میں شامل کین ولیمسن گھٹنے کی انجری کے باعث 6 ماہ سے کرکٹ سے دور ہیں، وہ گھٹنے کے آپریشن کے بعد ان دنوں ری ہیب میں مصروف ہیں۔ آئی پی ایل میں دائیں گھٹنے کی انجری کا شکار ہوئے تھے۔
Tue, 26-09-2023
SUCH NEWS
برِ اعظم انٹارکٹیکا میں سمندری برف ریکارڈ کم ترین سطح پرآگئی۔ ماہرین کا تشویش کا اظہار کرتے ہوئے کہنا تھا کہ رواں موسمِ سرما میں گزشہ سال کی نسبت دس لاکھ مربع کلو میٹر کمی ہوئی۔موسمیاتی تبدیلیوں کے اثرات سے پینگوئنز برِ کی بقا کو بھی خطرات لاحق ہوگئے۔ موسمیاتی تبدیلیوں کے اثرات سے پینگوئنز کی بقا کو بھی خطرات لاحق ہوگئے، برِ اعظم انٹارکٹیکا میں سمندری برف ریکارڈ کم ترین سطح پرآگئی۔ رپورٹ کے مطابق ماہرین کا تشویش کا اظہار کرتے ہوئے کہنا تھا کہ رواں موسمِ سرما میں گزشہ سال کی نسبت دس لاکھ مربع کلو میٹر کمی ہوئی، رواں موسم میں سمندری برف نے سولہ اعشاریہ نو چھ ملین مربع کلو میٹر کا احاطہ کیا، جو پچھلے موسمِ سرما کے مقابلے میں تقریبا ایک ملین مربع کلو میٹر کم برف ہے۔ دوسری جانب سائنس دانوں نے انٹارکٹیکا میں ’روز محشر‘ نامی گلیشیئر کے بارے میں خبردار کیا ہے کہ اس کے برف کے تختے کے نیچے غیر متوقع تبدیلی رونما ہو رہی ہے، جو اس گلیشیئر کے لیے خطرے کی علامت ہے۔ موسمیاتی تبدیلی کے خطرناک اثرات رونما ہو رہے ہیں، گلوبل وارمنگ گلیشیئرز کو دیمک کی طرح چاٹنے لگی ہے، اور سائنس دانوں نے کہا ہے کہ ’تھاویٹس گلیشیئر‘ المعروف ’ڈومس ڈے گلیشیئر‘ مشکل میں گرفتار نظر آ رہا ہے۔ سائنس دانوں کے مطابق ڈومز ڈے نامی گلیشئر 1990 کی دہائی کے مقابلے میں 8 گنا تیزی سے پگھل رہا ہے، اس گلیشیئر سے ہر سال 80 ارب ٹن برف ٹوٹ کر سمندر میں شامل ہو رہی ہے جو سطح سمندر میں 4 فی صد سالانہ اضافے کا باعث بن رہا ہے۔ ماہرین نے خدشے کا اظہار کیا ہے کہ تھاویٹس گلیشئر تیزی سے تباہی کے دہانے کی جانب بڑھ رہا ہے، عالمی سطح پر گلوبل وارمنگ کو نہیں روکا گیا تو یہ دنیا کے لیے خطرناک ثابت ہوگا۔ واضح رہے کہ اس گلیشیئر کو ڈومس ڈے اس لیے کہا جاتا ہے کہ اگر یہ پگھل کر سمندر میں گر گیا تو اس سے زمین پر قیامت خیز تباہی برپا ہوگی۔ یہ گلیشیئر تقریباً فلوریڈا کے سائز کا ہے اور مغربی انٹارکٹیکا میں واقع ہے۔
Tue, 26-09-2023
SUCH NEWS
بھارت میں شیڈول ورلڈکپ مقابلوں سے قبل پاکستان اور نیوزی لینڈ کے درمیان میچ پر بھارتی کرکٹ بورڈ (بی سی سی آئی) کا ردعمل سامنے آگیا۔ بھارتی کرکٹ بورڈ (بی سی سی آئی) نے پیر کو جاری اپنے ایک بیان میں کہا ہے کہ ہندو تہوار گنیش وسرجن اور عید میلاد النبی کی وجہ سے سیکیورٹی خدشات ہیں جس کے باعث میچ میں شائقین کرکٹ شرکت نہیں کرسکیں گے۔ دونوں ٹیمیں حیدرآباد کے تاریخی کرکٹ اسٹیڈیم میں 29 سمتبر کو ایک دوسرے کے مدمقابل آئیں گی۔ قومی ٹیم میگا ایونٹ سے قبل دوسرا وارم اَپ میچ آسٹریلیا کے خلاف 3 اکتوبر کو کھیلے گی۔ اس سے قبل حیدرآباد کرکٹ ایسوسی ایشن (ایچ سی اے) نے پاکستان اور نیوزی لینڈ کے درمیان میچ کو ری شیڈول کرنے کا مطالبہ کیا تھا، حکام کا کہنا ہے کہ دو مذہبی تہواروں کے باعث بڑی تعداد میں پولیس افسران کو تعینات کیا جائے گا، اس وجہ سے مسائل پیدا ہوسکتے ہیں۔ واضح رہے کہ بھارتی کرکٹ بورڈ نے انٹرنیشنل کرکٹ کونسل (آئی سی سی) سے 9 اور 10 اکتوبر کو ورلڈکپ کے کھیلوں کو دوبارہ شیڈول کرنے کی درخواست کی تھی، جس میں سیکیورٹی اہلکار کم ہونے کی وجہ پیش کی گئی تھی۔
Tue, 26-09-2023
SUCH NEWS
سابق وزیرِ داخلہ اور نگراں وزیر داخلہ آمنے سامنے آ گئے، پاکستان مسلم لیگ ن کے سینئر رہنما رانا ثناء اللّٰہ نے نگراں وزیرِ داخلہ سرفراز بگٹی کا بیان ’حد سے تجاوز‘ قرار دے دیا۔ نگراں وزیر داخلہ سرفراز بگٹی کی جانب سے بیان کو ’حد سے تجاوز‘ قرار دیتے ہوئے پاکستان مسلم لیگ ن پنجاب کے صدر اور سابق… انہوں نے کہا کہ نواز شریف کے خلاف سازش کا خمیازہ عوام اور ملک نے بھگتا ہے ۔ نواز شریف کے خلاف جھوٹے کیس بنا کر ملک اور عوام کے ساتھ دشمنی کی گئی ۔ نواز شریف پر اللہ تعالیٰ کی رحمت اور نیچے عوام کی فورس ہے۔ رانا ثنا اللہ نے اپنے بیان میں کہا کہ سرفراز بگٹی، نواز شریف کے بارے میں بیان بازی سے اپنا قد بڑھانے کی کوشش نہ کریں ۔ نواز شریف جیلوں اور فورس کا سامنا کرچکے ہیں۔ نواز شریف کی فکر چھوڑیں، اپنے کام پہ توجہ دیں ۔ نواز شریف نے ائرپورٹ سے 21 اکتوبر کو کہاں جانا ہے، یہ وزیرِ داخلہ یا وفاق کا فیصلہ نہیں ہوگا، یہ عوام کا فیصلہ ہو گا ۔ نواز شریف ہمیشہ کی طرح عدالتوں میں قانون کے مطابق تقاضے پورے کریں گے۔ دریں اثنا سابق وفاقی وزیر اطلاعات و نشریات مریم اورنگزیب نے سماجی رابطوں کی ویب سائٹ ایکس (سابقہ ٹوئٹر) پر بیان میں نگراں وفاقی وزیر داخلہ سرفراز بگٹی پر تنقید کرتے ہوئے کہا ہے کہ جتنا سیاسی قد ہے اتنی بات کریں۔ نواز شریف نے ائرپورٹ سے کہاں جانا ہے، یہ نہ آپ کا مسئلہ ہے اور نہ آپ کا فیصلہ۔ اپنی فورس اور تیاری عوام کو تحفظ اور امن فراہم کرنے کے لیے استعمال کریں ۔ انہوں نے کہا کہ جس کرسی پہ تھوڑی مدت کے لیے بیٹھے ہیں، اسے تاحیات سمجھنے کی غلط فہمی سے باہر آجائیں۔نواز شریف کی نہیں ملک کی فکر کریں۔ دوسری جانب نگراں وزیر داخلہ سرفراز بگٹی نے نواز شریف کی گرفتاری پر بیان کے حوالے سے وضاحت کرتے ہوئے کہا ہے کہ بیان کو سیاق و سباق سے ہٹ کر سیاسی رنگ دیا گیا ہے۔ نگراں حکومت کا کوئی سیاسی ایجنڈا نہیں ہے۔ انہوں نے کہا کہ یہ بات خوش آئند ہے کہ نواز شریف پاکستان کی سیاست میں واپس آنا چاہتے ہیں۔ پاکستان کے عوام کا ایک بڑا حصہ انہیں خوش آمدید کرنے کی تیاریوں میں مشغول ہے۔
Tue, 26-09-2023
SUCH NEWS
پاکستان سپر لیگ (پی ایس ایل) کے سیزن 9 میں کسی نئی ٹیم کا اضافہ نہیں کیا جارہا، ایونٹ میں 6 ہی ٹیمیں شریک ہوں گی۔ رپورٹ کے مطابق لاہور میں چیئرمین پاکستان کرکٹ بورڈ (پی سی بی) مینجمنٹ کمیٹی ذکا اشرف کی زیر صدارت پی ایس ایل گورننگ کونسل کا اجلاس ہوا جس میں پی ایس ایل کے مختلف امور زیر بحث آئے۔ پی سی بی کے مطابق پی ایس ایل 9 میں 6 ٹیمیں ہی شرکت کریں گی، آنے والے پی ایس ایل کے سیزن میں کسی نئی ٹیم کا اضافہ نہیں ہوگا۔ کرکٹ بورڈ کے مطابق ویمن کرکٹ کی پروموشن کےلیے پی ایس ایل کے دوران ویمنز لیگ یا نمائشی میچوں کے مواقع تلاش کیے جائیں گے۔ پی ایس ایل نائن 8 فروری سے 24 مارچ تک منعقد ہوگا، ایونٹ کے فائنل شیڈول کی منظوری پی ایس ایل کے اگلے اجلاس میں دی جائے گی۔ اجلاس میں پی ایس ایل 9 کے ڈیجیٹل میڈیا رائٹس اور دوسرے کمرشل ٹینڈرز کے عمل پر بھی بات چیت ہوئی جبکہ اجلاس میں پی ایس ایل کے گزشتہ ایونٹ کی رپورٹ فرنچائزز کو پیش کی گئی۔
Tue, 26-09-2023
SUCH NEWS
معروف سیلولر فون کمپنی ’سام سنگ‘ نے اپنی اے سیریز کے دو نئے ماڈلز فون متعارف کرا دیے جنہیں میموری کے حوالے سے معیاری فونز قرار دیا جا رہا ہے۔ رپورٹ کے مطابق جنوبی کوریا کی اسمارٹ فون بنانے والی ملٹی نیشنل کمپنی ’سام سنگ‘ نے خاموشی سے اے سیریز کے دو بجٹ فونز ’سام سنگ: گلیکسی اے 05‘ اور ’سام سنگ: گلیکسی اے 05 ایس‘متعارف کرادیے ہیں۔ مذکورہ فونز کو 7۔6 انچ اسکرینز کے ساتھ پیش کیا گیا ہے۔ گلیکسی اے 05کمپنی نے اس فون کے بیک پر دو کیمرے دیے ہیں جن میں سے مین کیمرا 50 میگا پکسل جب کہ دوسرا 2 میگا پکسل ہے۔فون کے فرنٹ پر 8 میگا پکسل سیلفی کیمرا دیا گیا ہے اور اسے اینڈرائیڈ 13 کے آپریٹنگ سسٹم میں متعارف کرایا گیا ہے۔گلیکسی اے 05 کو 5 ہزار ایم اے ایچ بیٹری اور 25 واٹ چارجر کے ساتھ متعارف کرایا گیا ہے۔ فون میں فنگر پرنٹ سینسر سمیت دیگر فیچرز بھی دیے گئے ہیں اور اسے مختلف رنگوں اور 6 جی بی ریم اور 128 جی بی میموری کے ساتھ متعارف کرایا گیا ہے۔کمپنی نے اس فون کی قیمت کا اعلان نہیں کیا، تاہم امکان ہے کہ اسے پاکستان میں 40 سے 42 ہزار روپے کی قیمت کے درمیان پیش کیا جائے گا۔ گلیکسی اے 05 ایسفون نے اپنے اس بہترین فون کے بیک پر تین جب کہ ایک 13 میگا پکسل سیلفی کیمرا کے ساتھ پیش کیا ہے۔گلیکسی اے 05 ایس کے بیک پر تین کیمرے دیے گئے ہیں، جس میں سے مین کیمرا 50 جب کہ باقی دونوں کیمرے ترتیب وار دو دو میگا پکسل کے ہیں۔اس فون کو بھی 5 ہزار ایم اے ایچ بیٹری اور 25 واٹ کے فاسٹ چارجر کے ساتھ پیش کیا گیا ہے اور اس میں بھی اینڈرائیڈ 13 کا آپریٹنگ سسٹم دیا گیا ہے۔اس فون میں بھی فنگر پرنٹ سینسر سمیت دیگر فیچرز بھی دیے گئے ہیں اور اسے بھی 6 جی بی ریم اور 128 جی بی میموری کے ساتھ پیش کیا گیا ہے۔ اس فون کی قیمت کا بھی اعلان نہیں کیا گیا، تاہم امکان ہے کہ پاکستان میں اسے 48 ہزار روپے تک کی قیمت میں پیش کیا جائے گا۔ابتدائی طور پر دونوں فونز کو کمپنی نے صرف ملائیشیا میں فروخت کے لیے پیش کیا ہے اور انہیں پاکستان سمیت دیگر ممالک میں آئندہ ماہ اکتوبر تک پیش کیے جانے کا امکان ہے۔ واضح رہے کہ اس سے قبل گزشتہ ماہ اگست میں سام سنگ’ نے اپنی فولڈ ایبل سیریز کے نئے ماڈلز ‘گلیکسی زی فولڈ فائیو’ اور ‘زی فلپ فائیو’ متعارف کرائے تھے۔
Tue, 26-09-2023
SUCH NEWS
حال ہی میں ایک سعودی شہزادے کی ایکس پر وائرل ویڈیو اس بات کو ثابت کرتی ہے کہ اگر لوگوں کو اپنا بنانا ہے تو ان کے درمیان رہ کر انہیں سمجھا جائے۔ جدہ کے ’مکارم نجد ریسٹورنٹ‘ میں شہزادہ نایف بن ممدوح بن عبدالعزیز کی روایتی سعودی کھانوں کی تیاری کے لیے عملے کے ساتھ مل کر کام کرنے کی اس ویڈیو نے سبھی کو حیران کردیا۔ شہزادہ نایف ایپرن پہن کر اپنے ریسٹورنٹ میں روایتی سعودی کھانوں جیسا کہ مندی، جریش، کبسہ، مارگوگ، ہریسہ اور عریکہ کی تیاری کے لیے عملے کے ساتھ مل کر کام کرتے ہیں۔ دراصل وہ اپنا کاروبار کرنے کے کلچر کو فروغ دے رہے ہیں۔ شہزادے کا کہنا ہے کہ ’بہت سےنوجوان مجھ سے کہتے ہیں کہ آپ نے یہ کیوں پہنا ہے اور آپ اس طرح کام کیوں کر رہے ہیں؟‘ میں ان سے یہی کہتا ہوں کہ یہ میرا کام ہےاور مجھے اپنی ٹیم کے ساتھ کام کرنا، ان کی مدد کرنا پسند ہے’۔ لا تفوتكم #بادية_مكارم_نجد ?⛺️? pic.twitter.com/YhXtBlgJye — نايف بن ممدوح بن عبدالعزيز آل سعود ?? (@NayefBinMamdooh) September 22, 2023 انہوں نے کہا کہ ’ کام کرنا ایک اعزاز ہے یہ کوئی شرم کی بات نہیں۔ ہمارے کوئی نبی ایسے نہیں گزرے جنہوں نے بھیڑیں نہ پالی ہوں۔’ تبوک کے سابق گورنر شہزادہ ممدوح بن عبدالعزیز کے صاحبزادے نایف اپنے والد کے نقش قدم پر چل کر خیراتی اور فلاحی کام کر رہے ہیں ان کے بہت سے منصوبوں میں سے ایک آگ بجھانے کی صلاحیتوں والے ریسکیو اور ریلیف ہیلی کاپٹر کی تیاری بھی شامل ہے۔ اس اقدام کے باعث انہیں جینیوا بین الاقوامی نمائش برائے ایجادات میں بین الاقوامی فیڈریشن آف انوینٹرز ایسوسی ایشنز کی طرف سے ایک بڑا انعام دیا گیا۔
Tue, 26-09-2023
SUCH NEWS
نگراں وفاقی وزیر داخلہ سرفراز احمد بگٹی نے پاکستان مسلم لیگ ن کے قائد نواز شریف کی گرفتاری سے متعلق بیان پر وضاحت دے دی۔ ایک بیان میں سرفراز بگٹی نے کہا کہ بیان کو سیاق سباق سے ہٹ کر سیاسی رنگ دیا گیا، نگراں حکومت کا کوئی سیاسی ایجنڈا نہیں، یہ بات خوش آئند ہے کہ نواز شریف سیاست میں واپس آنا چاہتے ہیں، عوام کا بڑا حصہ خوش آمدید کرنے کی تیاریوں میں مشغول ہے۔ انہوں نے کہا کہ نواز شریف سے قانون کے مطابق سلوک کیا جائے گا، معاملات کو حقیقت کے آئینہ سے دیکھنا ہوگا، نگراں حکومت اپنے مینڈیٹ کے مطابق کام کرے گی۔ واضح رہے کہ نگراں وفاقی وزیرداخلہ سرفرازبگٹی کا نواز شریف کے لیے کہنا تھا کہ ایک ملزم کو جہاز سے گرفتار کرنے کیلئے کوئی بڑی فورس نہیں چاہیے ہوتی، ماضی میں ریاست نے ہمیشہ ماں کا کردارادا کیا پہلی مرتبہ باپ کا کردار ادا کررہی ہے، ریاست کو ہمیشہ باپ کا کردار ادا کرنا چاہیے،سافٹ رویہ نہیں رکھنا چاہیے۔ یہ بھی پڑھیں: سرفراز بگٹی بیان دینے سے قبل سابق وزیرداخلہ شیخ رشید کا انجام دیکھ لیں: رانا ثنا اللہ نجی ٹی وی کو انٹرویو میں سرفرازبگٹی کا کہنا تھا کہ ائرپورٹ حساس جگہ ہے وہاں ویسے بھی مجمع کو اجازت نہیں دیں گے،نوازشریف کو عدالت سے ضمانت نہ ملی تو گرفتارکریں گے،میرے خیال میں نواز شریف خود بھی گرفتار ہونا ہی چاہیں گے۔
Tue, 26-09-2023
SUCH NEWS
صبح کا آغاز اگر صحت مند ناشتے سے نہ ہو تو یہ پورے دن پر اثر انداز ہوتا ہے، اسی لیے ماہرین صبح کے ناشتے پر کافی زور دیتے ہیں۔ متوازن اور بھرپور ناشتہ نہ کرنے والے افراد دن بھر سستی اور پریشانی کا شکار رہتے ہیں۔ جہاں اکثریت وقت میں کمی یا موڈ نہ ہونے کے باعث صبح کا ناشتہ ترک کرتی ہے تو وہیں ایسے افراد بھی ہیں جو ناشتہ تو کرتے ہیں، لیکن وہ ناشتہ غذائیت سے بھرپور نہیں ہوتا۔متوازن اور بھرپور ناشتہ نہ کرنے والے افراد دن بھر سستی اور پریشانی کا شکار رہتے ہیں۔ ماہرین نے ان چیزوں کو بطورِ ناشتہ کھانے سے گریز کرنے پر زور دیا ہے، کیونکہ یہ اشیا نہ صرف غیر صحت بخش ہیں بلکہ یہ وزن میں اضافہ کرنے کا سبب بھی بن سکتی ہیں۔ بسکٹبسکٹ یا بیکری آئٹمز جیسے کوکیز اور پیسٹری کوناشتے میں لینا ہماری صحت کیلئے ایک طرح سے بلکل مفید نہیں ہیں، کیونکہ ان میں موجود فیٹس، پروسیسڈ اجزاء اور چینی کی اضافی مقداروزن میں اضافے کا باعث بنتی ہے۔ میٹھے کھانےصبح میٹھا کھانا دانتوں کیلئے کافی نقصان دہ ہے۔ اکثریت صبح چائے کے ساتھ کوکیز اور کیکس لیتی ہے۔ لیکن جب زیادہ مقدار میں میٹھا لیا جاتا ہے تویہ شوگر اور وزن میں اضافے کا سبب بنتی ہیں۔ پراٹھےشاید ہی کوئی ہو جو ناشتے میں گرما گرم پراٹھے کا شوقین نہ ہے، لوگوں کی ایک بڑی تعداد آج بھی پراٹھوں سے بھرپور ناشتہ کرنا پسند کرتی ہے۔ اگرچہ براؤن آٹے سے بنا پراٹھا آپ کیلئے مفید ہوسکتا ہے، لیکن میدے سے بنے پراٹھے مکھن اور اچار کی وافر مقدار کے ساتھ کھانا کسی صورت فائدہ مند نہیں ہے۔ پروسیسڈ فوڈزماہرین کے مطابق بیکری کے چپس، تلی ہوئی اسنیکس اور چکنائی والے فاسٹ فوڈ جیسی غذاؤں کا مسلسل استعمال وزن میں اضافے کا باعث بن سکتا ہے، کیونکہ ان میں کیلوریز کی ایک بڑی مقدار موجود ہوتی ہے۔ ناشتے میں پھلوں، سبزیوں، دہی، یا بادام جیسے صحت مند میلز آپ کو اپنے دن کا آغاز ایک بہترین انداز میں کرنے میں مدد دے سکتے ہیں۔ نمکین غذائیںنمکین کھانوں میں کیلوریز کی تعداد بہت زیادہ ہوتی ہے، جو آپ کوبھاری پن محسوس کرواتے ہیں۔ان نمکین چیزوں میں نمکین بادام اور پاپ کارن شامل ہیں جن میں مکھن اور نمک بہت زیادہ شامل ہوتا ہے، اضافی نمک جسم میں سوزش کا سبب بھی بنتا ہے۔
Tue, 26-09-2023
SUCH NEWS
سیکیورٹی فورسز نے خیبر کے علاقے تیراہ میں انٹیلی جنس بیسڈ آپریشن کیا، آپریشن کے نتیجے میں دہشت گرد کمانڈر کفایت عرف تور عدنان سمیت 3 دہشت گرد مارے گئے۔ پاک فوج کے شعبۂ تعلقاتِ عامہ (آئی ایس پی آر) کے مطابق آپریشن 25 اور 26 ستمبر کی درمیانی شب دہشت گردوں کی موجودگی کی اطلاع پر کیا گیا۔ آئی ایس پی آر کا کہنا ہے کہ آپریشن کے دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا۔ پاک فوج کے شعبہ تعلقات عامہ کا کہنا ہے کہ ہلاک دہشت گرد قانون نافذ کرنے والے اداروں کے خلاف دہشت گردی کی کارروائیوں میں سرگرم تھے۔ آئی ایس پی آر کا کہنا ہے کہ ہلاک دہشت گرد معصوم شہریوں کے قتل میں بھی ملوث تھے۔ پاک فوج کے شعبہ تعلقات عامہ کا یہ بھی کہنا ہے کہ پاکستان کی سیکیورٹی فورسز دہشت گردی کے خاتمے کے لیے پُرعزم ہیں۔
Tue, 26-09-2023
SUCH NEWS
کینیڈا میں خالصتان تحریک کے رہنما ہردیپ سنگھ نجر کے قتل سے متعلق امریکی میڈیا کی جانب سے انکشافات سامنے آئے ہیں۔ رپورٹس کے مطابق امریکی میڈیا نے عینی شاہدین اور سی سی ٹی وی کیمرہ فوٹیج کی بنیاد پر دعویٰ کیا ہے کہ ہردیپ سنگھ نجر کے قتل میں 3 نہیں بلکہ 6 افراد ملوث تھے۔ امریکی میڈیا نے یہ بھی دعویٰ کیا ہے کہ خالصتان تحریک کے رہنماکے قتل میں ملوث ملزمان نے ایک نہیں بلکہ 2 گاڑیاں استعمال کیں، ہردیپ سنگھ کی گاڑی کو ملزمان کی ایک گاڑی نے پارکنگ ہی میں روکا،جس کے بعد اچانک نمودار 2 ملزمان نے فائرنگ کی۔ امریکی میڈیا کے مطابق ملزمان نے 50 گولیاں برسائیں،34 گوردوارے کے سربراہ ہردیپ سنگھ نجر کو لگیں۔ اس کے علاوہ یہ بھی دعویٰ کیا گیا ہے کہ نجر کا قتل پہلے رپورٹ کیے گئے واقعہ سے کہیں زیادہ منظم تھا۔ خیال رہے کہ خالصتان کے حامی سکھ رہنما ہردیپ سنگھ نجر کو 18 جون کو کینیڈا کے شہر سرے میں گولیاں مار کر ہلاک کیا گیا تھا۔ بعد ازاں 18 ستمبر کو پہلی بار کینیڈا کی حکومت نے اس قتل میں بھارت کے ملوث ہونے کا الزام عائد کیا تھا۔اس موقع پرکینیڈین وزیر اعظم جسٹن ٹروڈو نے کہا تھا کہ کینیڈین انٹیلی جنس نے ہردیپ کی موت اور بھارتی حکومت کے درمیان تعلق کی نشاندہی کی۔ انہوں نے کہا کہ یہ معاملہ جی 20 اجلاس میں بھارتی وزیراعظم مودی کے ساتھ اٹھایا تھا، کینیڈین سرزمین پرشہری کے قتل میں غیرملکی حکومت کا ملوث ہونا ہماری خودمختاری کیخلاف ہے۔ تاہم کینیڈا نے بھارت کے سفارتکار پون کمار رائے کو ملک بدر کرنے کا حکم دیا اور میڈیا رپورٹس میں دعویٰ کیا گیا کہ کینیڈا سے نکالا گیا بھارتی سفارت کار ’’را‘‘ کا سربراہ ہے۔ دوسری جانب بھارت نے خالصتان تحریک کے رہنما ہردیپ سنگھ کے قتل کے نتیجے میں پیدا ہونے والی کشیدگی کے بعد کینیڈا کے شہریوں کیلئے ویزا سروس معطل کردی۔
Tue, 26-09-2023
SUCH NEWS
ملکی تبادلہ منڈیوں میں روپے کے مقابلے ڈالر مسلسل 15ویں کاروباری روز سستا ہوگیا ہے۔ کاروباری ہفتے کے دوسرے روز کی ابتداء پر ایک روپے 26 پیسے کمی کے بعد ڈالر کی خرید و فروخت 289 روپے 60 پیسے میں جاری ہے۔ واضح رہے کہ گزشتہ روز انٹر بینک میں ڈالر کی قیمت 90 پیسے کمی سے 290 روپے 86 پیسے ریکارڈ کی گئی تھی۔ اوپن مارکیٹ میں بھی روپے کی قدر میں بہتری ریکارڈ کی گئی تھی، ڈالر کے مقابلے روپے کی قیمت خرید اور فروخت 50 پیسے اضافے کے بعد بالترتیب 290 اور 293 پر بند ہوئی تھی۔ دوسری جانب پاکستان اسٹاک ایکسچینج (پی ایس ایکس) میں بھی آج کاروبار میں تیزی رجحان جاری ہے۔ پی ایس ایکس 100 انڈیکس ٹریڈنگ کے پہلے سیشن میں 78 پوائنٹس اضافے کے بعد 46 ہزار 472 پر پہنچ گیا ہے، 100 انڈیکس گزشتہ روز 46 ہزار 393 پوائنٹس پر بند ہوا تھا۔
Tue, 26-09-2023
SUCH NEWS
وہ جی میل صارفین جو ویب سائٹ کا ایچ ٹی ایم ایل بیسک ویو فیچر استعمال کرتے ہیں ان کو جنوری 2024 کے بعد سے یہ فیچر دستیاب نہیں ہوگا۔ کمپنی کے سپورٹ پیچ میں پیش کیے جانے والے ایک نوٹس کے مطابق اس تاریخ کے بعد سے جی میل صرف اسٹینڈرڈ ویو میں دستیاب ہوگا۔ ایچ ٹی ایم ایل بیسک ویو در اصل جی میل کا 2007 کا ڈیزائن ہے جس کا صارفین اکثر سست رفتار وائے فائے پر استعمال کرتے ہیں۔ اس موڈ پر چیٹ باکس، اسپیل چیک یا کونٹیکٹ امپورٹنگ جیسے اسٹینڈرڈ ویو فیچر لوڈ نہیں ہوتے۔ تاہم، نابینا ٹیکنالوجی کے ایک ماہر پراتِک پٹیل نے خبردار کیا ہے کہ ریٹائر کیے جانے والا یہ فیچر نابینا اور جزوی طور پر بینا افراد کے لیے بڑا دھچکا ہے۔ان کا کہنا تھا کہ بہت سے نابینا افراد جو جی میل کا یہ موڈ استعمال کرتے ہیں وہ نہ صرف کنفیوژ بلکہ ناخوش بھی ہوں گے۔ ایچ ٹی ایم ایل ویو نابینا افراد کے لیے اسکرین کے استعمال کو کافی آسان بناتا ہے۔ اسٹینڈرڈ انٹرفیس اب نابینا افراد کے استعمال کے لیے دستیاب تو ہے لیکن متعدد افراد بیسک ایچ ٹی ایم ایل ورژن پر ہی رہ گئے ہیں کیوں وہ یہ ہی استعمال کرنا جانتے ہیں۔پراتک پٹیل نے مزید کہا کہ ایسا نہیں ہے کہ اسٹینڈرڈ انٹرفیس دسترس میں نہیں۔ لیکن کچھ لوگ اس موڈ کو استعمال کرنے کے لیے تیار نہیں ہوں گے۔
Tue, 26-09-2023
SUCH NEWS